Aurreko asteburuan hasi zen Gipuzkoako Herriarteko Txapelketa. Hain zuzen, gomazko paletan eta larruzko paleta eta pala motzean arituko direnen txanda izan zen joan den igandean, eta datorren asteburuan, zesta-puntako txapelketari emango diote hasiera. Lau herri lehiatuko dira zesta-puntan: Zumaia, Donostia, Hondarribia eta Mutriku.
Zesta-punta txapelketako aurreneko jardunaldian, maiatzaren 9an, Donostiaren aurka jokatuko du Zumaiak. Aitzurin neurtuko dituzte indarrak, baina ez da ikuslerik izango Herriarteko Txapelketako partidetan.