Eusko Jaurlaritzaren Portu Zuzendaritzak iragarri du Zumaiako portuko bokaletik Mutrikuko portuko bokalera harea birkokatzeko lanak hasiko dituztela datorren astelehenean, martxoaren 22an. Dragasub enpresak egingo ditu lan horiek, 31 metroko luzera eta 7 metroko zabalera dituen izen bereko dragarekin.
Astilleros Balenciagak egindako Tarajoq ontzia portuko sarreratik segurtasunez ateratzeko egingo dituzte lanok. Aurreikusi dute hamar eguneko epean amaitzea dragatze lanak, apirilaren 1erako.