Zumaiako jubilatuen eta pentsiodunen plataformak manifestazioa antolatu du datorren astelehenerako, azaroaren 16rako. Mugimendu horren esanetan, "jakina da osasun publikoak egiturazko arazoak dituela, eta horiek areagotu egin dituela COVID-19ak". Osakidetzari dagokionez, "lehen arreta eta ospitaleetako zerbitzuak egoera jasanezinean daude, bertako profesionalen lan baldintzei dagokienez batik bat", plataformaren ustetan.
Horregatik egingo du manifestazioa 12:00etan, Saregileen plazatik abiatu eta anbulatorio aurreraino. "Osasun zerbitzuen erabiltzaile garen heinean, bat egiten dugu Osakidetzako langileek aspaldidanik aldarrikatzen dituzten hobekuntzekin".