Non dago diru publikoa? Lehenik herria! goiburu hartuta, dozenaka herritar elkartu dira Saregileen plazan gaur eguerdian. Zumaiako Sortuk deitutako elkarretaratzean azpimarratu dute garbi geratu dela agintariek ez dutela "nahikoa inbertsiorik egin osasungintzan eta hezkuntzan", eta ardura denona izanagatik, batzuena besteena baino gehiago dela. Salatu dute gobernua azpiegitura handietan "xahutzen" ari dela dirua, eta inbertsio publikoa eta laguntza sozialak eskatu dituzte.
Bestalde, deia luzatu diete herritarrei pandemiaren aurretik ere baziren borroketara eta sortzen ari diren berrietara batzeko. "Kulturaren aldeko borrokak, pentsio duinen aldeko borrokak... hauspotu ditzagun!", adierazi dute.