Zarauzko portuko obrak direla eta, N-634 errepidea itxiko dute ostegun honetan Zarautz eta Getaria artean. Hain zuzen ere, 10:00etatik 17:00etara itxiko dute kostako errepidea bi noranzkoetan, eta ibilgailuek ezingo dute errepidea ordu tarte horretan ibili. Hala ere, Zumaiatik Getariara doan errepideak ez du aldaketarik izango, eta beraz, azken bi herri horien artean mugitzea posible izango da.
Otsailean hasi zituzten portuko konpontze lanak, itsas denboraleak moilaren babes hormetako bat zulatu ondoren. Xabier Txurruka Zarauzko alkateak azaldu zuenez, moila abuztuaren erdialdean irekitzea da asmoa, tranpolin zaharra ordeztu eta igeltserotzako eta hargintzako bestelako lan batzuk ere amaitu ondoren.