Ehunka erromes igarotzen da herritik urtero, eta udaberritik udazkenera arte, sei hilabetez, ostatua eskaintzen diete Gipuzkoako Donejakue Bideko Lagunen elkarteak San Jose komentuan. Aurtengoan, ordea, ez dute aterpetxea zabalduko. Batetik, erromesen eta herritarren segurtasun eta prebentzio neurriak bermatzeko zailtasunak direla eta hartu dute erabakia; bestetik, COVID-19aren eraginez kaltetutako herriko gainontzeko hotel, ostatu edota apartamentuak erabiltzera bultzatu nahi dituzte erromesak.