Lau sendatu berri iragarri ditu Urola Kostan Gipuzkoako Foru Aldundiak. Hain zuzen, COVID-19a gainditu dute Zumaiako Otezuri egoitzako hiru egoiliarrek, eta Santa Ana egoitzako batek.
Azken orduetan 28 lagun gehiago sendatu dira Gipuzkoako adineko pertsonen egoitzetan. Gainera, Tolosako Iurreamendi egoitza COVID-19 gabe geratu da gaur, azken bi kutsatuek alta jaso ondoren. Arrasateko egoitzan berriz, egoiliar bat zendu da, eta bost kutsatu berri atzeman dituzte.
Aldi berean, suhiltzaileek, DYAko boluntarioek eta ekipo espezializatuek berriro desinfektatu dituzte Otezuri eta Santa Ana egoitzak.