Herrietan elikagai azokak itxiko edo bertan behera utziko dituela iragarri du aste honetan Eusko Jaurlaritzak. Erabaki horrek egonezina sortu du sektorean, eta kritika zorrotzak luzatu dizkio sektoreak Lakuako exekutiboari.
Zalantzak ere piztu ditu neurri honek, zer motatako azokei eragingo dien garbi jartzen ez zuelako. Martxoaren 14ean tabernak, jatetxeak eta beharrezkoak ez diren saltokiak ixteko erabakia hartu zuen Jaurlaritzak, eta ordutik ez da ostegunetako azokarik egin Amaiako plazan. Goiko plazako arraindegiak eta baserritarren postuak garai honek erakarri duen normaltasunarekin jarraitu dute lanean denbora honetan, eta hala jarraituko duela dirudi; gaur bertan, behintzat, lanean ari ziren.