Txomin Agirre eta Santiago hondartza lotzen dituen txalupa zerbitzuaren esleipena jarri du martxan Zumaiako Udalak. Interesa dutenek Kontratatzailearen profilean aurkituko dute informazio guztia. Hilaren 26a, osteguna, izango da eskaintzak aurkezteko azken eguna.
Ekainaren erdialdetik irailaren erdialdera bitarte eskaintzen da zerbitzu hori, irisgarritasuna hobetu eta herri barruan autoen joan-etorriak gutxitzeko helburuarekin.