Emakumeen Nazioarteko Egunaren harira, ekintza ugari antolatu ditu Zumaiako Mugimendu Feministak. Antolatu indarrak, batu borroka feministara lelo hartuta, kaleak hartzeko dei egin dute.
Gauerdian egingo dute lehen mobilizazioa: kazerolada egingo dute, Saregileen plazan. Eguneko mobilizazio nagusia, ordea, eguerdian izango da, 12:30ean, leku beretik hasita. Herriko kaleak zeharkatuko dituzte, borroka feministara batzeko dei eginez. Ondoren, 14:30ean, emakumeon* bazkaria izango da Torreberriko aterpean. Mugimendu feministatik azaldu dutenez, izena zumaiafeminista@gmail.com helbidera mezua bidalita eman daiteke, eta bihar izango da horretarako azken eguna.
Egitaraua
Martxoak 8, Emakumeen Nazioarteko Eguna
0:00. Kazerolada, Saregileen plazan.
12:30. Manifestazioa, Saregileen plazatik hasita.
14:30. Emakumeon* bazkaria.
18:00. Manifestazioa Donostian.