Zumaiako Caritasek eskerrak eman nahi dizkie abesbatzari eta azken hiru hamarkadetan zuzendari izan duen Agustin Zubimendiri. "Lerro hauen bidez, Zumaiako Caritasek eskerrak eman nahi dizkie Gabon Koruari, eta, nola ez, hainbeste urtetan borondate guztiarekin korua zuzendu duen Agustín Zubimendiri, txistulariei, bolseroei, egun horretan lan egin zuten guztiei eta, batez ere, Zumaiako herriari, bere eskuzabaltasunagatik. Lan guztiaren emaitza elkarteak 7.000 euro inguru jaso dituela izan da. Diru hori guztia behartsuenen larrialdiak arintzeko erabiliko da oso osorik", adierazi dute Zumaiako Caritaseko lagunek.