Horren berri eman digute abenduko Baleike aldizkarirako. Pentsio urriekin bizi behar izaten duten bi emakumerekin ere egon gara beraien testigantza jasotzeko.
Agustin Zubimendi elkarrizketatu dugu zenbaki honetarako. Urte askotan Gabon Korua zuzendu du Zubimendik eta aurten erretiroa hartuko du. Denbora honetan bizitakoaz hitz egiten digu elkarrizketa honetan.
Gabonetako Abesti Lehiaketa antolatzen duten Lore Esnal eta Marije Antiarekin ere egon gara. Zientzia eta inguruemeneko atalean biodibertsitateaz hitz egiten du Gonzalo Torrek, eta herrian zeuden harrobiez Imanol Azkuek.
Bazkideek jada jaso dute aldizkaria postontzietan. Gainerakoek ohiko saltokietan izango dute eskura, euro batean.