Etzi, asteazkena, zabalduko dute Gaztegunea guraso eta tutoreentzat. Espazioaren funtzionamendua eta lan-taldea ezagutzeko asmoz, irekiera saioa egingo dute hezitzaileek lehen egun horretan. Arratsaldeko 17:00etatik 19:00etara zabalduko dute, eta azken orduan egingo dute bilera.
Nerabeentzat, aldiz, irailaren 12an eta 13an hasiko da ikasturtea. Hilaren 12an Bigarren Hezkuntzako lehen mailako edo 12 urteko gazteentzat soilik zabalduko dute, lehen aldiz bisitatuko baitute espazioa. Gainontzeko gazteek, 12 urtetik 17ra bitartekoek, hilaren 13an hasiko dute ikasturtea.
Argibideak jasotzeko edota hezitzaileekin harremanetan jartzeko, gaztegunezumaia@gmail.com helbidera idatzi edo 688-61 29 40 telefonora deitu daiteke. Gaztegunean antolatuko diren ekimenen berri izateko, aldiz, Instagram sare sozialean kontua sortu dute.
Irailaren 16ko astetik aurrera honakoa izango da ordutegia:
Asteartetik ostegunera
17:00-20:00
Nerabe guztientzat
Ostiralak eta larunbatak
17:00-19:00
12-14 urteko gazteak
19:00-21:00
15-17 urteko gazteak
Igandeak (hilabetean bi)
17:00-18:45
12-14 urteko gazteak
18:45-20:30
15-17 urteko gazteak