San Telmo ermita txiki geratu zen atzo Leonor de Lerak eta Javier Nuñezek eskaini zuten musika barrokoko emanaldia entzuteko. Ermitaren txikitasuna dela medio, kontzertu honetara gonbidapenen bidez bakarrik sartu zitekeen. Eta, espero bezala, gonbidapen horiek agortu egin ziren. Gerturatu zirenek kontzertu ederra entzuteko aukera izan zuten.
Donostiako Musika Hamabostaldiak Zumaian emango dituen bi saioetatik lehena izango da gaur. 20:30ean hasita, Ensemble 442 taldeak kontzertua eskainiko du parrokian. Aitzol Iturriagagoitiak (biolina), David Apellanizek (biolontxeloa) eta Luis Fernando Perezek (pianoa) osatzen dute ensemble hau. Gaurkoan Uxia Martínez Botana (kontrabaxua) musikaria izango dute gonbidatu bezala. Bi obra joko dituzte: Mendelssohnen Piano Trio No. 1 in re menor, Op. 49, eta Astor Piazzolaren Las Cuatro Estaciones Porteñas.