Besteak beste, RTVEko orkestra, Orquesta Sinfónica de Málaga, Orquesta Sinfónica del Vallés, Orquesta Sinfónica de Castilla y León, Orquesta Sinfónica de Sevilla, Bilboko Orkestra Sinfonikoa, Orquesta Sinfónica de Córdoba, Orquesta Nacional de Colombia, Orquesta Filarmónica de Chile zuzendu ditu Diezek. Zineko musikari dagokionez, piano-jotzaile bezala aritu da Guillermo del Tororen La Cumbre Escarlata, J.A. Bayonaren Un Monstruo viene a verme edo Javier Ruiz Calderaren Súper López pelikuletan. Fernando Velazquezek idatzi ditu lan hauek guztietarako musikak.
Sinfoniettak Mendelssohnen eta Mozarten obra bana joko ditu. Emanaldia 20:00etan hasiko da Zumaienako aretoan, eta sarrerak aurrez salgai daude turismo bulegoan 10 euroan; 4 euroan haurrentzat. Egunean bertan 12 egongo dira salgai.