Euskaltzaleen Topaguneak 2019-2020 aldiko Euskaraldia dinamizatzeko pertsona bat kontratatuko du lanaldi erdiz 15 hilabeterako, urrian hasita. Lehiaketan izena eman daiteke dagoeneko, abuztuaren 26ra arte.
Lan-deialdiaren informazioa jasotzeko eta izena emateko, lansarean.eus-era jo behar da.
Hautagaiek bete behar dituzten baldintzak hauek dira:
-
Euskara maila egokia izatea (idatziz zein ahoz)
-
Zumaia, Getaria eta eskualdea ezagutzea
-
Euskaltzalea izatea eta euskalgintzaren ezagutza izatea
-
Jendaurrean eta jendearekin harremanetarako gaitasuna izatea
-
Eragiletzarako gaitasuna izatea (ekimena herrian zabaldu eta ekimenera jendea erakartzeko abilezia)
-
Kudeaketarako gaitasuna izatea
-
Komunikazio alorreko ezagutza izatea baloratuko da (sare sozialak, bideoen sorrera, webguneen kudeaketa, diseinua, ofimatika…)
-
Lanerako autonomia maila altua izatea ezinbestekoa da
-
Ordutegi malgutasuna izatea ezinbestekoa da
-
Gidabaimena eta autoa