Urtero bezala, Zumaiako Udalak eta Nagusien Mahaia osatzen duten kideek egitarau zabala antolatu dute Zumaiako Nagusientzat eta Nagusiekin ekimenaren baitan.
Hala, igandean, 89 urte dituzten herritarrei omenaldia egingo zaie, 12:00etan Gizarte Zentroan (Hogarrean). Guztira 36 lagun dira adin hori dutenak, baina Udalak jakinarazi duenez ekitaldira 20 joango dira. Halaber, omenaldiaren aurretik, goizeko 11:00etan, meza egingo da parrokian, Beheko Plaza abesbatzak lagunduta.
Amaitzeko, ekainaren 4an, asteartean, Patxi Ezkurra Osasun Zentroko sendagileak aurretiazko borondateen inguruan hitzaldia emango du gazteleraz, 18:30ean, Alondegian.