Ontzi hau arrain industriaren arloan lan egiteko gai izango da, eta baita itsas ikerkuntzan ere. Artikoko uretan arraste pelagikoa egiteko diseinatu dute, eta, horrez gain, mundu mailako itsasoetan lan egiteko gauza ere izango da. Hala, itsas laginak hartzeko instalazioak izango ditu, eta baita itsasoan eta airean izan daitezkeen ingurumen eraginak jasotzeko ere.
Bere baitan laboratorioak izango ditu arrainak eta ganbak aztertzeko, eta itsas ikerkuntzarako. 32 persona eramateko lekua izango du. Bertan izango diren ikasleek eta bekadunek trebatze saioak egin ditzaten instalazioak ere izango ditu.
Albiste ona da hau Zumaiako ontziolarentzat. Orain hilabete Eskoziarako arraste-ontzi bat egiten hasi ziren Balenciagan.