Larunbatean egindako argazki txokoan ateratako argazkiei emandako botoen bidez erabaki dira banakako/binakako, eta taldekako herritarren sariak. Boto gehien jaso dituztenak Bonnie and Clyde izan dira binakako/banakako mailan, eta Andaluziarrak taldekakoan. Udal Kultura Sailako kideak beraiekin jarriko dira harremanetan sariak emateko.
Bestalde, Alondegiko sarreran egindako erakusketan boto gehien izandako lanak jasoko du kartel lehiaketako herritarren saria. Irabazleak Irrimarrako Irene Irureta eta Karmele Gorroño dira, gaur egun Oxforden erakusketa duten lagunak.