Basque Team Fundazioak harrera ekitaldia aprobetxatu zuen urteko kirolari onenak nabarmentzeko. Omenduen artean, Iñigo Peña piraguista zumaiarra zegoen. Peñak zilarrezko domina irabazi du aurten Munduko txapelketako K2-1.000 metrokoan, eta brontzezkoa k4-1.000 metrokoan. Eguzkilore urdina jaso du Peñak.
Iñigo Urkullu Eusko Jaurlaritzako lehendakariak harrera egin zien atzo Basque Team Fundazioko kirolariei. Basque Team-ek aurten bekatutako kirolari eta teknikari gehienak bildu ziren Euskadiko Artxibo Historikoan egindako harrera ekitaldian, Bilbon.