IAAF zirkuituko lasterketa da hau eta Mundu mailako korrikalariek hartu dute parte bertan. Espainiako onentsuenak ere bertan izan dira, abenduan jokatuko den Europako txapelketarako azken txartelak ere bertan banatu direlako.
Irteera puntuan izan direnen artean Martin Amilibia zumaiarra zegoen. 2017ko Behobian 13. izan zen Amilibia, baina azken 20 hilabetetan krosik korritu gabe zegoen lesio luze zela medio. Hau izan du mota honetako bere lehen krosa denbora luzean eta lehen 100 korrikalarien artean sailkatzea zuen helburu. Eta baita lortu ere: 97. izan zen Amilibia, 29:32 denborarekin.