Bihar ekingo zaio Zumaiako Klub Nautikoak antolatutako XIV. Ainguratutako Ontzien txapelketari. Lehiaketa honek bi proba izango ditu, eta lehenengoa bihar jokatuko da 10:00etatik 16:00etara. Zumaiako elkarteko kide diren ontzi guztiek ahalko dute parte hartu, eta izen ematea elkartearen egoitzan egin daiteke proba hasi baino ordubete lehenago, edo aurrez arrantza@clubnauticozumaia.com emailera mezua bidaliz.
Ontzi bakoitzean gehienez bi pertsonek ahalko dute parte hartu. Araudia eta arrantza egiteko lekua gaur bertan emango zaie patroiei elkartearen lokalean, 19:00etan egingo den bileran. Proba 10:00etatik 16:00etara jokatuko da, eta 17:00etarako ontzi guztiak kirol portuan egon beharko dute. Ondoren pisaketa egingo da. Bakarrik aurrez lehiakideei emango zaien taula batean jartzen dituen espezieak arrantzatu ahalko dira.