Gauza bakarra da jakina: finalean Espainiako eta Frantziako bikoteak neurtuko direla. Lehen faseko gurutzaketek Espainiako bi taldeak eta Frantziako bi taldeak elkarren artean neurtzea ekarri dute. Hala, 20:00etan hasita, Iñaki Osa Goikoetxea zumaiarra eta Aldazabal (Espainia A), Erkiaga eta Hernandezen (Espainia B) aurka arituko dira, eta Patxi eta Irastorza (Frantzia A), Olharan eta Etxetoren (Frantzia B) aurka.
Lehen fasearen ondoren kanpoan geratu dira Mexikoko eta Kubako bikoteak.
Bi finalaurrekoetako irabazleak larunbateko final handian neurtuko dira (20:00etan). Gaurko galtzaileek 3. eta 4. postuak erabakitzeko partida jokatuko dute, bihar, 19:00etan.