Intxaurrondoko kuarteletik pasa ondoren eraman zuten Madrilera, eta espetxeratzeko agindua eman du gaur Auzitegi Nazionalak.
Espetxean zegoela funtzionarioen datuak ematea leporatu diote Apeztegiari. Fiskalaren ustez, nahikoa zantzu daude talde armatuko kide izatearen delitua egozteko. 21 urteko espetxe zigorra bete ondoren, 2013ko maiatzean askatu zuten.
"Kartzelak hustutzeko garaia" izan arren Espainiako Gobernuak errepresioa erabiltzen jarraitzen duela iritzita, elkarretaratzea deitu dute gaurko. Magnolioan elkartuko dira, 19:30ean.