2016ko abenduan erosi zuen udalak igogailua jarri ahal izateko lursaila, eta orain, proiektua idatzi, onartu eta esleituta, urriaren 5ean ekingo diote eraikuntza lanari. Altuna y Uria enpresak izango du proiektua aurrera eramatearen ardura, 883.891,82 euroko aurrekontuarekin. Lanak zazpi hilabeteren buruan amaitzea aurreikusi dute.
Auzotarrekin bilera
Lanek auzoan eragingo duten aldaketa kontuan izanik, lanak hasi aurretik, urriaren 3an, udalak bilera ireki bat egingo du bizilagunekin. Arratsaldeko 17:30ean izango da, udaletxeko pleno aretoan, eta lanen inguruko xehetasunak eta informazioa emateko baliatuko dute hitzordua.