Estropada honetan June Torre, Naia Urbieta eta Aintzane Olaizola zumaiarrak aritu ziren Hernaniko ontzian. Pozik itzultzeko arrazoia izan zuten hiru gazteek.
Asteburu honetan Donostiako Loiola auzoan ospatutako festetako egitarauaren barruan, batel estropada jokatu zen Urumea ibaian. Jubenil neskatan Hernaniko ontzia izan zen irabazlea. Garaipenaren zati bat Zumaiari dagokiola ere esan daiteke, bateleko bost lagunetatik hiru zumaiarrak zirelako.