Euskal Herriko hiri eta herriak zeharkatuko ditu udan zehar euskal artisten karpa ibiltariak. Amezketan hasi zuen lehen bira, eta Aiatik igaro ondoren, Zumaian egingo du geldialdia 'Gure Zirkua'-k. Sare sozialetan jakinarazi dutenaren arabera, gaur arratsaldeko 17:00etan salduko dituzte leihatilan geratzen diren azken sarrerak.
Hau izango da egunez eguneko ordutegia:
- Uztailaren 12an, ostegunean, 19:00etan.
- Uztailaren 13an, ostiralean, 19:00etan.
- Uztailaren 14an, larunbatean, 17:00etan eta 20:00etan.
- Uztailaren 15an, igandean, 17:00etan.