Hasteko, gizonezkoen 3. eta 4. postuak erabakitzeko partida jokatu zen Odietan. Mikel Martinezek 30-19 emaitzarekin irabazi zion Imanol Zuazobideri.
Emakumezkoen binakako pala txapelketako finala jokatu behar zen unean ekaitza sartu zen eta, ondorioz, hurrengo bi partidak Zumaiako Herri Eskolako frontoian jokatu ziren. Emakumezkoetan, binaka, Alaia eta Nora izan ziren irabazleak Esther eta Martari 30-14 emaitzarekin irabazi eta gero.
Gizonezkoen banakako final gogorra jokatu zuten ondoren Arkaitz Lozanok eta Jon Zubimendik. Final on batean Lozano izan zen irabazlea 30-26 emaitzarekin.