Flysch Trail mendi lasterketaren X. edizioa jokatuko da ekainaren 24ean. Goizeko 08:30ean hasiko da lasterketa maratoian parte hartuko duten korrikalariekin. Ondoren, 08:45ean, maratoi erdia korrituko dutenen irteera izango da. Bost minutu beranduago, berriz, itsuen lasterketa hasiko da, eta amaitzeko, 09:15ean, kadeteen txanda izango da.
Eguerdiko 12:30ean, sari-banaketa egingo da, eta egunarekin bukatzeko, 18:30etatik 21:30etara, musika egongo da Kofradian.