Lopezen esanetan, Mundakako 'tuboa' munduko onenetakoa eta luzeenetakoa izan daiteke baldintzak onak direnean. "Aldi berean, zaila izaten da olatu eder horiek hartzea, jendez beteta egoten delako: egun onenetan 150 pertsona bildu daitezke eta bi orduko epean hiru olatu on hartzen badituzu, pozik atera zaitezke uretatik. Begiak ondo irekita eduki behar izaten dira Mundakan olatuak hartzeko".