Bi izango dira bihar Aitzurin jokatuko diren partidak. Hasteko, Zumaiako Zesta Puntako Eskolako ikasleak aterako dira pilotalekuko kantxara. Estelarrean, Iñaki Osa Goikoetxea eta Gotzon Enbil zumaiarrek bikotea osatuko dute. Aurrean Mikel Egiguren eta Eric Irastorza. Partida ederra izan daiteke ikusta lau pilotari handi hauen maila.
Partida bereziagoa izateko, hau izango da Gotzon Enbilek profesional bezala jokatuko duen azken partida. Berez, pasa den abenduan egin zioten omenaldia, Durangon, baina bere jaioterrian emango dio agurra bi hamarkada luzeko ibilbideari.
Sarrerak salgai daude dagoeneko, 10 euroan, Zumaiako turismo bulegoan, Aitzuri frontoian, Lubaki kiroldegian, Sei zortzi taberan eta BQD Bidaiaken. Frontoiko leihatilan ere izango dira salgai.