Gipuzkoako AECC elkartearen aldeko Zumba saioa egin da gaur goizean Lubaki kiroldegian. Ariketa fisikoa eta dantza uztartzen dituen jarduera praktikatzeko aukera izan dute, hotzari aurre eginda, gaur Zumaiara etorri direnek. Bigarren urtea da mota honetako ekimena egiten dela gurean. Matrikuletatik bildutako dirua minbizia duten gaixoei eta haien familiartekoei laguntza eskaintzen dien elkarteari emango zaio.