365 egun behar ditu euskarak

365 egun behar ditu euskarak

Euskararen Nazioarteko Eguna da bihar. Bezperan, ekitaldia egin da Torreberri azpian. Zapi gorria lepoan jarrita, euskara egun bakarreko kontua ez dela aldarrikatu dute, euskarak 365 egun behar dituela azpimarratu dute. 

Hasiera batean Zapitik zapira ekintza zen egitekoa, Ardantzabide eta Gurrutxaga plaza lotuko zituen giza katea osatzea, alegia. Eguraldi makurragatik ekintza hori bertan behera geratu da eta Torreberri azpian egin den ekitaldira mugatu da. 

Igandean, Euskararen Egunean, Ibilaldi bat euskararen arrastoan hitzaldi ibiltaria abiatuko da, goizeko 11:00etan, Kofradiako plazatik, Imanol Azkueren gidaritzapean. Bidean zehar, euskarak herrian izan duen bilakaeraren inguruan mintzatuko da. Izan ere, euskara ezkutatuta egon zen hainbat urtetan, baina 1960tik aurrera lekuak eta funtzioak irabazten hasi zen, zumaiarren eta herriko taldeen ekimenez (ikastola, udala, euskaltegia, bertso eskola...) eta ibilaldian horietako batzuk kokatu eta ezagutzeko aukera izango da.

Erlazionatuak

[BERTSOAK] "Bizi garen artean biziko da euskara"

Euskararen Nazioarteko Egunaren bezperan Torreberri azpian egin den ekitaldian, argazkiaren eta mokadutxoaren artean, Zumaiako Udaleko euskara tekn...