Pilotazaleek sei partidez gozatzeko aukera izango dute asteburuan Aitzuriko frontoian. Ostiralean ekingo zaio asteburuko kartelerari. Hala, zesta puntako bi partida jokatuko dira 19:15etatik aurrera. Lehenengo partida jubenil mailakoa izango da Zumaia 2 eta B.A.C.-ren artean. Bigarren partida aldiz, nagusien lehen mailakoa izango da: Zumaia 4-B.A.C.-ren aurka.
Larunbat arratsaldean, eskuzko lau partida izango dira. 16:00etan hasiko dira partidak eta lehenengo hiruak alebin 2. mailakoak izango dira: Zumaia 1-Hernani 8, Zumaia 2-Gazteleku 8 eta Zumaia 3-Hernani 7. Eguneko azken partida infantil lehen mailakoa izango da eta Zumaia-Añorga 3-ren aurka lehiatuko da.