Patxi Francesen ordezkoa aurkitu du Zumaiako arraun elkarteak. Entrenatzaile batek baino gehiagok deitu du elkarteko bulegora bere burua eskaintzeko, baina zuzendaritzak garbi zeukan nor nahi zuen. Xabier Zulaikak oso ondo ezagutzen du elkartea, bederatzi urtez egin baitzuen arraunean Zumaian. Horrez gain, puntako talde batean aritu da 2007tik eta esperientzia hori ere oso baliagarria izango zaio Zumaian ekingo duen ibilbide berrirako.
Azken hamarkadetako aurrekalaririk onenetakoa izan da Zulaika. Bost aldiz irabazi du Kontxako Bandera.