Txekiar Errepublikako Racice hirian jokatuko da aurtengo munduko piraguismo txapelketa. Peñarentzat urteko proba garrantzitsuenetakoa izango da. Cubelosekin aurten sekulako denboraldia ari da egiten: Munduko kopako bi proba irabazi zituen eta brontzezko eta urrezko domina bana irabazi zituen Europako txapelketan. Bihar hasiko den txapelketan dominen borrokan egotea dute helburu nagusia.
Iñigo Peñak eta K2ko kide Francisco Cubelosek bihar izango dute Munduko txapelketako lehen hitzordua. Goizeko 11:56an izango du lehen txanda, K2 1.000 metroko estropadan. Finalerdietarako sailkatzea lortzen badute, estropada arratsaldean bertan izango dute, 18:47tik aurrera.