Lehen setean nagusi izan ziren Goikoetxea eta Lekerika. Hasiera berdindu baten ondoren, aurkariak 7-6 jarri ziren aurretik, baina zumaiarra jokoan agintzen jarri zen eta zuzenean 15. kartoira heldu ziren.
Bigarren setean Egigurenek eta Minvielle-ek pilota geldo bat aukeratu ziren eta hari esker erosoago hasi ziren jokatzen. Pixkanaka aurretik jarri ziren eta, nahiz eta Goikoetxeak eta Lekerikak erreakzioa eduki eta partida berdindu zuten arren (11-11, 12-12), atzo gorriz jokatu zuen bikoteak berdinketako seta irabazi zuen.
Berdinketa hautsiko zuen hirugarren setean berehala 4-0 jarri ziren aurretik Egiguren eta Menvielle. Egiguren berak huts egin zuen hurrengo tantuan eta 4-1 emaitza igo zen markagailura. Hurrengoan, baina, ez zuen hutsik egin eta 5-1 emaitzarekin irabazi zuten seta eta, ondorioz, partida.