Guztira 40 argazkilari aurkeztu ziren aurtengo edizioan, eta epaimahaikideek (Mikel Castellano, Jose Manuel Azkue eta Bego Blanco) ez dute erabaki erraza izan.
16 urte azpiko mailan, Maider Agirre izan da irabazlea. Aurrenengo aldiz hartu du parte argazki lehiaketa batean eta gustura azaldu zen sariarengatik. "Lehiaketan parte hartzeko helburu zehatzik ez nuen, 52 argazki atera nituen. Azkenean aurkeztu nintzen lehiaketara eta begira!", aitortu zuen. Heldu mailan, berriz, Carlos Callejoren argazkia izan da garailea. Distira Argazki Elkarteko sortzaileetako bat, argazki rallyetan ibiltzen da. 12 argazki atera zituen eta horietako bat izan da irabazlea. "Umeei argazkiak ateratzea ez da erraza, mugitu egiten dira. Argazki aukeratua izateko zerbait ezberdina bilatu behar da, eta horretan saiatu nintzen", aipatu zuen.
Jakintza Berri elkarteak bere aldetik eskerrak eman nahi dizkie lehiaketan parte hartu duten guztiei.