Sailkapeneko azken postuan dagoen Intxurreren aurka jokatu zuten Mikel Larburuk gidatutako mutilek, Alegian. Beste hiru puntu lortzeko unea zen eta hala egin zuten, partida 2-4 emaitzarekin irabazi ondoren.
Azken lau partidatan lortutako 12 puntuei esker, gora begira dago Zumaiako sailkapenean. 14 puntu ditu eta hirugarren postuan dagoen Bergarakin puntuetara berdinduta dago. Justu aurretik ditu lidergoan dagon Soraluze eta bigarren den Zumarragako Urola, biak ere 15 punturekin. Azken hau izango du aurkari asteburu honetan Aita Marin jokatuko den norgehiagokan.