Cesarren gaua izena jarri diote arduradunek 19:30etik aurrera espazio horretan egingo den ekitaldi sortari. Hasteko Sara Ramosek, Cesare Maglianik, Gisela Fassik eta Leire Sarasquetak egindako La voz de Cesar film laburra estreinatuko da. Telmoz gain, Ines Martinez, Barbara Rivas, Asier Oruesagasti eta Pilar Guerra ditu aktore lanetan.
Jarraian, Rompiendo desde la provocacion izenburua duen solasaldia gidatuko du Mentxu Arrieta psikologo, aktore eta sexologak. Eta, amaitzeko, Toquecito Minus izeneko bakarrizketa eskainiko du Telmo Irureta berak.
Ekitaldi hau Donostia 2016 egitasmoko Energia-olatuak programak bultzatu du.