Nagusitasun handiz irabazi dio Espainiako selekzioak Kroaziakoari 20 urtez azpiko Europako Txapelketako finalaurrekoa. Lehen ordu erdirako ia erabakita utzi zuten norgehiagoka, 17-8 aurreratuta. Bigarren zatian aldea ez zen hain nabarmena izan, baina Espainiako selekzioak ez zuen inoiz finala arriskuan ikusi. Kauldi Odriozolak eta Ander Torrikok izan zuten, beste behin, beraien ekarpena egiteko aukera. Bihar 17:00etan, final handian izango dira. Beste urrats bat bi jokalari zumaiarrak osatzen ari diren kirol ibilbide distiratsuan.
Beste finalaurrekoan, Alemaniako selekzioak Frantzia kanporatu zuen, luzapenean. Finala, beraz, Alemania-Espainia, igandean 17:00etan. Baleike.eus-en zuzenean ikusteko aukera izango da, Livestream bidez. Bitartean, hemen dauzkazue atzoko bi finalaurrekoak.