Daniako jai alai pilotalekua itxita egon zen denbora batez, berritze lanak egiteko. Etenaldi hartan erabaki zuen Gotzon Enbilek ibilbide profesionalari amaiera jarri eta Zumaiara bueltatzea, urte askoan koadroko atzelari onena izan eta gero. Frontoia martxan da berriro eta, zorionez, Zumaiako zesta puntak zeresana ematen jarraituko du Danian. Izan ere, Iñaki Urbietak (Zumaia, 1989) lortu du amaitu berri den denboraldiko atzelari onenaren titulua, binakako txapelketan garaipen gehien lortu duen atzelaria izan baita. Guztira 15 kiniela irabazi ditu Urbietak, Euskadiko txapeldun Ibon Aldazabalek baino bat gehiago.
Denboraldi berria dagoeneko martxan da Danian.