Hemen bertan irakurri ahal izan genuen itsasoratzekoa zela asteazkenean (hemen), baina azkenean ez zen irten (pentsatzen dut itsaso txarrarengatik).
Ilunpetan, bi foku handi piztuta zeuzkala ibaiaren bazterrak argitzeko, aurretik erremolkadore bat eta atzetik beste bat, itsasaldera egin du, poliki-poliki, isiltasunean motorren soinua besterik ez, inor esnatzeko beldurrez bezala. Atzealdeko argi guztiak ere piztuta zeuzkan, eta izugarria izan da ikustea nola joan den ibaian behera, tente-tente eta harro itsasgoran.
Talaipe ondoan, Rikar ikusi dut argazkiak ateratzen, eta hark bidali dit hau. Eskerrik asko!