Taldearen asmoa etor litezkeen errefuxiatuengana gerturatu eta herrian integratzeko bidean laguntzea denez, bileran herriko boluntarioen datu-basea egiteko aukera aztertuko da, eta herritar sare bat sortzeko zer urrats egin litezkeen ere eztabaidatuko da.
Antolatzaileek jendea bilerara azaltzeko deialdia zabaldu nahi dute. "Zer eskainia duzula pentsatzen baduzu, gauzarik txikiena izanda ere, etorri. Izan ere, ale askok mordo handia egiten dute".