Hilaren 1eko irteera Madarixatik aterako da, Kakueta (927 metro) mendia igo eta Azkoitiara jaitsiko dira. Beti bezala, irteera goizeko 7:30ean izango da Txomin Agirre kaiko autobus geltokitik. Izenak goiko estankoan (943860357) emango dira ostiral eguerdia baino lehen. Prezioak ohikoak izango dira: helduak 6€ eta umeak 4€.
Asteburu honetan izandako ordu aldaketaren ondoren, Inda-Mendik amaitutzat ematen ditu egun osoko mendi irteerak (urteko azkenekoa izan ezik) eta berriro goiz bueltetara itzuliko da, umeek mendiaz gozatzeko aproposak direnak. Igande honetan Azkoitia ingurura joango dira.