Euskara ikasten aritu diren pertsonek urriaren 1etik 15era Udalak eskaintzen dituen diru laguntzak eskatzeko aukera dute.
Laguntza hau jasoko dituzten ikastaroak ohikoak, trinkoak edo barnetegietakoak, autoikaskuntza eta internet bidezkoak izango dira.
Laguntza hauetara aurkezteko baldintzak berriz, zumaian erroldatuta egotea eta gutxienez klaseen %80ko asistentzia egiaztatzea eskatzen da.
Eskaintzen diren diru laguntzak ondoko hauek dira:
Ohiko ikastaroak
Langabeek: matrikularen %100
Gainerakoek: matrikularen %75
Ikastaro trinkoak eta barnetegiak
Langabeek: eskola-orduen matrikularen %75 (gehienez 600 €)
Gainerakoek: eskola-orduen matrikularen %50 (gehienez 450 €)
Ikastaro trinkoak dira egunean 3 ordutik gorako ikastaroak (3 ordukoak barne). Barnetegietan ez dira ostatu-gastuak diruz lagunduko.
Autoikaskuntza
Langabeek: matrikularen %100 (gehienez 600 €)
Gainerakoek: matrikularen %75 (gehienez 450 €)
Oharra: Ikaslea langabea edo Gizarte Zerbitzuen erabiltzailea izanez gero, baldintza berezi horiei dagokien ehunekoa aplikatuko zaio egoera horretan egindako denbora tarteari. Bi egoera horiek behar bezala egiaztatuko dira, langabezia-txartelarekin eta Gizarte Zerbitzuen ziurtagiri edo txostenarekin.
- Eskabidea (beste diru-laguntzen aitorpenarekin).
- Nortasun agiriaren fotokopia.
- Matrikularen ordainagiria.
- Euskaltegiaren ziurtagiria (maila, datak, ordu kopurua, asistentzia...).
- Egoera bereziak egiaztatzeko agiriak: langabezia-txartela edo gizarte zerbitzuen txostena.