Artadin dena prest dute aurtengo Samielak ospatzeko. Ostiralean hasiko dira jaiak, Jon Maiak eta Aitor Mendiluzek girotutako bertso afariarekin. Txartelak turismo bulegoan daude salgai, 25 euroan. Afarira animatzeko mezua zabaldu dute antolatzaileek. Larunbatean eta igandean ez dira faltako samieletako ohiko osagaiak: zezenak eta pottokak, herri kirolak, sagardo dastatzea, erromeria, pilota partidak, bertso saioa, trikitilari txapelketa... Hemen daukazue egitaraua:
Irailak 27, ostirala
21:00etan: bertso afaria Jon Maia eta Aitor Mendiluzerekin. Txartelak Turismo Bulegoan Salgai (25€).
Irailak 28, larunbata
16:30ean, zezenak eta pottokak.
18:00etan, aizkolariak. Joxe Felix Zubizarreta eta Ernesto Ezpeleta (Bihurri)
18:30ean, txinga lehiaketaren XII. edizioa.
18 urtez azpiko txinga lehiaketaren II. edizioa.
Ondoren, Sagardo dastatzea. Erromeria Ion Ostolaza eta Unai Andonegi trikitilariekin.
Irailak 29, igandea (Mikel Deunaren Eguna)
11:00etan, meza.
12:00etan, binakako pilota partida: Urkizu - Aizpitarte / Ugalde - Imaz.
13:00etan, txakolin dastatzea
Ondoren, bertsolariak: Amets Arzallus eta Angel Mari Peñagarikano.
16:30ean: zezenak eta pottokak.
18:00etan: Artadiko XV. Trikitilari Txapelketa.
Itsaso Elizagoien - Irune Elizagoien
Josune Arakistain - Alaitz Eskudero
Beñat Ganboa - Julene Otegi
Julen Alonso - Eneritz Aulestia
Ondoren, erromeria Izer eta Alabier trikitilariekin.