Gipuzkoako Aldundiak jakinarazi duenez, 400.000 euroko partida onartu du martxoaren 5ean, N-634 errepidean, Zumaia eta Getaria artean eragindako kalteak konpontzeko. Eta, hilabeteko exekuzio-epea izango du.
Azaldu duenez, kalteek kostaldeko horman izan zuten eragina hamabi metroko luzeran eta hormigoizko harlangaitzezko estalduran ere bai 22 metroko luzeran. Halaber, zuloa egin zen itsasora ematen duen erreian eta hamar metroko sakonera du. Horregatik guztiagatik, semaforoz arautuko dute ibilgailuei txandaka bide emateko, eta zirkulazioa bi erreitan "lehenbailehen" berreskuratzeko ahalegina egingo da, errepide horrek duen "garrantzia".
Zarautz eta Getaria arteko N-634 errepidean agertutako zuloen egoerari dagokionez, lanak hasiak daude dagoeneko. Unean-uneko trafiko mozketak eragingo dituzte obrek, eta ibilgailu astunek debekatuta izango dute zirkulatzea. Hori horrela, aldundiak gomendatu du ahal den neurrian behintzat Meagaseko errepidea aukeratzea, eta gogorarazi du informazio-kanal bat prestatu dela Telegram aplikazioan (kanalaren izena: N-634 KOSTA), non errepidearen puntu horren itxieren eta gorabeheren berri ematen den.