Atzo, igande eguerdian, bi lagun euskaldun on, jator eta zumaiar, Erribera kaleko taberna batean, bezperako eguraldi makurraz hizketan. “Truxua” omen zen, truxua.
Nik inoiz entzun gabea neukan hitz hori, baina dena dakien Interneti galdetuta, hainbat erreferentzia aurki daitezke: Euskaljakintzan eta Hiztegi Batuan (“truxu iz. Batez ere Bizk. 'euri-jasa'”), adibidez. Azkueren hiztegiak ere jasotzen du hitza, batez ere bizkaieraz eta Mutriku aldean jasota, “lluvia fuerte” esanahiarekin.
Zumaian baten batzuek ezagutzen eta erabiltzen dute, bistan da, baina zalantza daukat zenbateraino zabalduta dagoen. Erabiltzen duzue? Inoiz entzun diozue zaharragoei?