Aurtengo denboraldiari irailaren 19an emango zaio hasiera eta ilusio handiz ekin diote aurredenboraldiko entrenamentuei Zumaiako Futbol Taldeko 200 jokalariek. Gizonezkoen 7 talde federatu eta emakumezkoen hiru talde federatu izango ditu Zumaiakok: Gizonezkoen Preferentea, Ohorezko jubenila eta lehen mailako jubenila, Ohorezko kadetea eta lehen mailako kadetea, lehen mailako infantila eta infantil txikia; eta emakumezkoen Erregionala, Ohorezko kadetea eta infantila. Ostiral honetan, irailaren 11n, 19:30etan, aterako dituzte Zumaiakoko 10 talde hauen argazkiak.
Bestalde, Futbol Eskola aste honetan hasi da, alebin mutilen entrenamentuekin, eta hurrengo astean benjamin mailako neska-mutilen eta alebin mailako nesken entrenamentueri emango zaie hasiera. Brankan gaur, osteguna, egingo den bileran gurasoek futbol eskolari buruzko informazio guztia jasoko dute.
Zumaiako Futbol Taldeko argazkiak ostiralean aterako dira
2015ko ira. 10a, 17:25